ᑕᐃᒪᓐᓇᑦᑎᐊᖅ ᐃᓄᖕᓄᑦ ᐅᓄᖅᑐᓄᑦ, George Floyd (ᔪᐊᔾᔨ ᕗᓗᐃᑦ) ᑐᖁᑕᐅᓂᖓ ᒥᓂᐋᐸᓚᔅ ᐸᓖᓯᒃᑯᖏᓐᓄ ᐅᕙᑦᑎᓐᓂ ᐊᒻᒪ ᐊᖓᔪᖅᑳᖑᔪᑦ ᐱᓕᕆᔨᖁᑎᖏᓐᓂ ᐃᓱᒪᑎᑦᑎᔪᖅ ᐅᕕᓂᐅᖃᑎᒌᖏᑦᑐᓂᒃ ᐱᐅᒃᓴᖏᓐᓂᕐᒥ ᐃᓅᖃᑎᑦᑎᓐᓂ, ᐊᒻᒪ ᓇᖕᒥᓂᖁᑎᑦᑎᓐᓂ. ᓄᒫᓇᖅᑐᒥ ᐃᖅᑲᐃᑎᑕᐅᕗᒍᑦ, ᕿᕐᓂᖅᑕᑦ, ᓄᓇᖃᖅᑳᖅᑐᑦ, ᐊᒻᒪ ᐊᓯᖏᑦ ᐃᓄᐃᑦ ᐅᕕᓂᖏᑦ ᑕᖅᓴᖃᖅᑐᑦ, ᐃᓚᐃᓐᓇᖅᓯᐅᕐᕕᐅᓂᖏᓐᓂ ᐅᕕᓂᖓ ᒪᓕᒃᖢᒍ ᓄᒫᓇᖅᑐᒥ ᐊᑐᖅᑕᐅᖏᓐᓇᖅᑐᖅ ᐋᓐᓂᕐᓇᖅᖢᓂ ᐊᒻᒪ ᐊᑦᑕᕐᓇᖅᖢᓂ.
ᑲᐸᒃᑲᓗᐊᖅᑎᓪᓗᑕ George Floyd (ᔪᐊᔾᔨ ᕗᓗᐃᑦ) ᑐᖁᑕᐅᓂᖓᓂ ᑲᐸᒐᔪᖏᑦᑐᒍ ᐋᖅᑭᒃᓱᖅᓯᒪᓂᐅᔪᓂᒃ ᑖᔅᓱᒥᖓ ᑕᐃᒪᐃᑎᑦᑎᔪᒥ. ᑕᐃᒪᐃᑦᑐᒃᓴᐅᔪᒍᑦ ᒫᓐᓇᒧ ᑎᑭᖦᖢᒍ. ᕿᕐᓂᖅᑕᑦ ᐃᓅᓯᖏᑦ ᓱᖁᑕᐅᔪᑦ ᓴᙱᔪᒥᒃ ᐊᐅᓚᓂᐅᔪᖅ ᐅᕙᑦᑎᓐᓂ ᐅᖃᐅᔾᔨᓪᓗᓂ ᒫᓐᓇᐅᔪᖅ ᖃᓄᐃᓕᐅᕆᐊᖃᓕᖅᑐᒍᑦ, ᐊᑐᓂ ᐊᒻᒪ ᑲᑐᔾᔨᖃᑎᒌᑦᑎᓐᓂ 8,000 ᐊᔾᔨᒌᖏᕈᓘᔭᖅᑐᑦ ᓴᓇᔩᑦ ᐱᔨᔅᓯᖅᑐᖅ ᐅᓄᖅᑐᐊᓗᖕᓂ ᐃᓄᖕᓂ ᐊᒃᑐᖅᑕᐅᑲᐅᑎᒋᓯᒪᔪᓂ ᐅᕕᓂᐅᖃᑎᒌᖏᓐᓂᕐᒧ, ᐃᓕᖅᑯᓯᖓᒎᖃᑦᑕᖅᑐᒥ.
ᐱᒋᐊᕈᓐᓇᖅᑐᒍᑦ ᑕᐱᕇᓕᕐᓗᑕ ᐃᒪᐃᓕᐅᕐᓗᑕ ᐊᖏᕐᓂᖃᕐᓗᑕ ᓈᓚᖕᓂᕐᒥ ᐊᒻᒪ ᐃᓕᑦᑎᓂᕐᒥ ᐅᕙᑦᑎᓐᓂ ᐊᑐᓂ ᐱᔨᔅᓯᑦᑎᐊᖅᑐᒥ, ᐃᓱᒪᑦᑎᐊᖅᑐᒥ ᐊᒻᒪ ᐱᔪᒪᓂᖃᖅᑐᒥ ᐃᓕᑦᑎᓂᕐᒥ. ᐃᑲᔫᑎᑦᑎᐊᖅᑐᖅ ᐃᒪᐃᓕᐅᕈᑦᑕ ᓈᒻᒪᒃᑐᒥ, ᐅᖃᒪᖃᑎᖃᕐᓂᖅ ᐃᓗᐊᖏᑦᑐᒥᒡᓘᓐᓃ ᑭᓯᐊᓂ ᐱᒻᒪᕆᐅᔪᒥ, ᐃᓱᒪᒋᔭᖃᕐᓗᑕ ᐊᑐᖅᓯᒪᔭᑦᑎᓐᓂ ᕿᕐᓂᖅᑕᓂᒃ, ᓄᓇᖃᖅᑳᖅᑐᓂᒃ ᐊᒻᒪ ᐊᓯᖏᓐᓂᒃ ᐃᓄᐃᑦ ᐅᕕᓂᖏᑦ ᑕᖅᓴᖃᖅᑐᓂᒃ.
ᐅᓄᖅᑐᓂᒃ ᐊᔾᔨᒌᖏᑦᑐᓂᒃ ᑖᒃᑯᐊ ᐅᖃᒪᔾᔪᑎᒋᔪᓐᓇᖅᑕᕗᑦ. ᐊᑕᐅᓯᕐᒥ ᐱᒋᐊᕐᓂᐊᖅᑐᒍᑦ ᐱᔪᓐᓇᖅᓯᑐᐊᖅᐸ ᖃᕆᓴᐅᔭᒃᑯᑦ ᐅᖃᐅᓯᖃᕐᓂᖅ ᖃᐃᖁᔨᓂᐊᖅᑐᖅ ᓴᓇᔨᓕᒫᑦᑎᓐᓂ ᐅᖃᐅᓯᖃᖁᓪᓗᒋ ᐃᓱᒪᒋᔭᖏᓐᓂ ᒪᒃᐱᖓᔪᒃᑯᑦ, ᐊᑦᑕᕐᓇᖏᑦᑐᒃᑯᑦ ᐱᓕᕆᓂᑎᒍᑦ. ᑖᓐᓇ ᐊᓪᓗᕆᐊᕐᓂᖅ ᐃᓱᒪᒋᔭᕗᑦ ᐱᒻᒪᕆᐅᓂᖓᓂ ᑲᑎᙵᓗᑕ ᐃᖏᕐᕋᖃᑎᒌᖕᓂᕐᒥ, ᐃᖏᕐᕋᔪᒪ ᐊᑑᑎᔪᒧᑦ ᖃᓄᐃᓕᐅᕐᓂᐅᔪᓄᑦ. ᐊᖏᕐᓂᖃᖅᑐᒍᑦ ᐱᓕᕆᖃᑎᖃᕐᓗᑕ ᐊᔾᔨᖏᓐᓂ ᐅᖃᐅᓯᖃᖅᑐᓂᒃ ᓄᓇᓕᖕᓂ ᐊᒻᒪ ᓂᐅᕕᖃᑦᑕᖅᑐᓂ ᐱᔨᔅᓯᖅᑕᑦᑎᓐᓂ ᐊᒻᒪ ᑐᓂᓯᓗᑕ ᐊᑑᑎᔪᓂᒃ ᓱᓇᒃᑯᑖᓂᒃ ᑖᓐᓇ ᑕᐃᒪᐃᑦᑐᓐᓇᖁᓪᓗᒍ, ᐱᓕᕆᖃᑕᐅᓗᑕ ᐊᓯᖏᓐᓂ ᑲᑐᔾᔨᖃᑎᒌᓂᒃ.
ᐱᓕᕆᐊᒃᓴᖃᕐᒥᔪᒍᒃ ᐊᐅᓚᑎᓪᓗᒋ ᐱᓕᕆᖃᑦᑕᖅᑕᕗᑦ, ᐊᒃᑐᐃᓂᖃᕐᓂᐊᕐᒪᑦ ᐊᓯᔾᔨᓪᓚᑦᑖᖅᑐᒥᒃ. ᐊᑕᐅᓯᖅ ᐱᔭᒃᓴᖅ ᓴᓇᖃᑦᑕᕐᓂᕗᑦ ᐃᓄᓕᒫᓄᑦ ᐊᒻᒪ ᓴᓇᕝᕕᑦᑎᓐᓂ ᖃᓄᐃᒋᐊᕐᓂᐅᔪᑦ ᑲᓇᑕᒥ ᓱᓕᔪᑦ ᐊᒻᒪ ᐃᓱᒪᒋᔪᓐᓇᐃᖅᓯᓂᐅᔪᓄᑦ ᐊᒡᓚᒡᕕᖓ ᐃᓚᖃᖅᑐᓂ ᐋᓐᓂᕐᓂᐅᔪᕕᓃᑦ ᓄᓇᖃᖅᑳᖅᑐᓄᑦ ᐃᓕᓐᓂᐊᕆᐊᖃᑦᑕᕐᓂᑰᔪᓄᑦ ᑲᓇᑕᒥ ᐊᒻᒪ ᑲᓇᑕᒥ ᑭᖑᓪᓕᖅᐹᖅ ᐅᓕᒃᑳᓕᐊᖅ ᐊᓯᐅᓯᒪᔪᓄᑦ ᐊᒻᒪ ᑐᖁᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪ ᓂᕕᐊᖅᓵᑦ.
ᑭᖑᓪᓕᒻᐹᒥ, ᐱᔭᒃᓴᖃᖅᑐᒍᑦ ᒪᑭᑕᓗᑕ ᖃᐅᑕᒫᑦ ᐅᕕᓂᐅᖃᑎᒌᖏᑦᑐᓂᒃ ᐱᐅᒃᓴᖃᑦᑕᖏᑦᑐᓄᑦ ᖃᓄᐃᓕᐅᕐᓂᖏᓐᓂ ᖃᖓᑐᐃᓐᓇᖅ ᐊᒻᒪ ᓇᒥᑐᐃᓐᓇᖅ ᑕᑯᔭᕗᑦ ᐊᒻᒪ ᒪᑭᑕᓗᑕ ᓵᓚᓯᐊᖃᖅᑐᓂᒃ ᐋᖅᑭᒃᓱᖅᓯᒪᔪᓂᒃ ᐸᓖᓯᑎᒍᑦ ᐋᓐᓂᖅᓯᕆᓂᒃᑯᑦ, ᒪᓕᒐᓕᕆᕝᕕᐅᑉ ᐃᖏᕐᕋᓂᖓᑕ, ᓂᕈᐊᖃᑦᑕᖅᑐᓄᑦ ᓵᓚᓯᐊᖃᖅᑐᓄᑦ ᐱᓕᕆᔭᐅᖃᑦᑕᖅᑐᑦ ᐅᕝᕙᓘᓐᓃᑦ ᐱᔪᓐᓇᕐᓂᖃᖅᑐᓄᑦ ᑮᓇᐅᔭᓕᕆᓂᒃᑯᑦ ᐊᒻᒪ ᐃᓄᓕᕆᓂᒃᑯᑦ ᐱᔪᓐᓇᕐᓂᕆᔭᖏᑕ ᐋᖅᑭᒃᓯᒪᓂᖏᓐᓂ. ᑭᐅᔾᔪᑎᒃᓴᖃᖏᒃᑯᑦᑕ ᐊᔭᐅᕆᔪᓐᓇᖅᑐᒍᑦ ᐊᒻᒪ ᐊᐱᖅᓱᕐᓗᑕ ᐅᕙᒍᑦ ᐃᓚᐅᖃᑕᐅᓗᑕ.
ᐊᔾᔨᒌᖏᕈᓘᔭᕐᓂᕗ ᓴᙱᓂᕆᔭᕗᑦ ᑲᒪᑦᑎᐊᖃᑎᒌᖕᓂᕐᒥ, ᐱᑦᑎᐊᕐᓂᕐᒥ ᐊᒻᒪ ᓇᓕᒧᒌᖕᓂᕐᒥ ᑕᑎᖃᖅᑎᓪᓗᒍ. ᑖᓐᓇ ᐱᔪᒪᓂᕆᔭᕗᑦ ᐊᒻᒪ ᑐᕌᒐᕆᓪᓗᑎᒍ ᑐᙵᓱᒃᑎᑎᓪᓗᑕ ᐃᓱᒪᒋᔭᐅᒃᑲᓐᓂᖅᑐᓂ ᐊᒻᒪ ᑕᐅᑐᒃᑲᓐᓂᖅᑎᓪᓗᒍ ᑖᓐᓇ ᐱᒻᒪᕆᐅᔪᖅ ᐅᖃᐅᓯᒃᓴᖅ.